احترام الذات-29 related problems found

احترام الذات

Strawberry_20657 🇪🇬

منذ شهرين

شعور ضائع

بمناسبه اليوم وتفاصيله الى يارب تخلص عشان مبقتش حملها صراحه حاولو تخلو في حدود بينكم وبين اي حد ف نقطه معينه اي انسان يوصل ليها وقفوه عند حده لان مع كتر انك تسيبها مفتوحه لفلان وفلان انت حقوقك وحياتك هتلاقيها بقت مداسه حرفيا كل واحد بتتعامل معاه لازم يكون في حد معين يوصل ليه ف التعامل بتهزر مع حد

Avocado_52301 🇪🇬

منذ شهرين

شعور لا مبالٍ

كرامتك أهم من إنك تكون مع حد يقربك ويبعدك بمزاجه، عزه النفس أغلى من أي علاقة انت مظلوم فيها متجريش ورا حد مسترخصك، اللي عاوزك بجد هيكون موجود من غير ما تفضل تثبتله نفسك. احترم نفسك وابعد عن أي حد بيقلل منك، الوحدة بكرامتك أشرف مليون مرة من وجودك مع حد بيكسرك، حياتك قصيرة متضيعهاش على ناس متستاهلش مت

Jackfruit_47584 🇪🇬

منذ 3 أشهر

شعور لا مبالٍ

عايزة أسأل عن حاجة عارفين لما تكونوا متاحين دايما أو انكوا بتسامحوا كتير اوي الشخص ده وتيجوا في الاخر تكتشفوا انكم ساهلين وانك بقيت شخص بدون حدود وبيتضحك عليه ال هو خلاص انا اسف وخلاص يعم محصلش حاجة سامحتك وبعدين تدرك بقى وتحب تحط حدود أن لا انا مش متاح علطول وانا اكيد عندي أولويات بردو قولولي بقى

Potato_50259 🇪🇬

منذ 5 أشهر

شعور غاضب

تخيل كده تبقي قاعدة ف حالك عادي وفجأة يجيلك مسدج من واحد تعرفه بالكاد أو حتى متعرفهوش ويطلب منك نودز يعني إيه اللي ممكن يكون ف دماغك وقتها هو شايفك إيه أصلا علشان يطلب منك كده هو بيفكر إزاي لما يبقي شايف إن ده طبيعي أو مقبول يعني وده غير كمية القرف وعدم الاحترام اللي بتحسيها من الموقف عموما يا جماعة

Pistachio_49702 🇮🇹

منذ 5 أشهر

شعور مرتبك

عبّر عن شعورك بشكل مجهول

ازاي اكون ناضجه واطور من نفسي ومخليش حد يقلل مني من فتره صحبتي او اختي كنا بنتكلم اني اقدر اكون دكتورة سنان او اي مجال عايزة في البلد الي عايشه فيها فرصتي يعني قالتلي كلمه بس كانت بهزار عمري ماهنساها حتي لو بقيتي دكتورة سنان عمري ما اسلملك بوقي وقبلها كانت صحبتنا بيتقدم لها شخص فا هي بسالنا وكدا جايه اقولها نصيحتي صحبتي قالت اسكتي انتي انتي مش عارفه حاجه مع ان صحبتي قالتلي ايوه انتي فاهماني وانتي صح مش غرور فيا بس أنا فعلا كان كلامي صح وهي برضو بس اوقات بتحسسني اني اكمني طيبه اني ساذجه مثلا وعايشه في عالم غير بتاعم يمكن علشان أنا بهزر او بني ادمه بتحب الضحك والهزار وكدا اني لما اكلم بعقل او حد يحسسوني اني غريبه او معقوله او بقي يقولوا علي اساس انك بتعمل الكلام دا بحس فجاه اني مش عارفه أرد أنا بحب لما حد يدخل حياتي اسيب ذكري حلو يفتكرني بيها اني لما تيجي سيرتي يقولوا ياااه كانت محترمه وكويسه ومصد طاقه ايجابيه وبجد بتشجعنا وبتقف جمبنا بس بحس ان اقرب حد ليا شايف اني ضعيفه او ساذجه او طيبه زيادة عن اللزوم عارفه ان الطيبه الزيادة عن اللزوم غلط بس أنا مش كدا مش لدرجه اني مش بفهم ومش بعرف الي قدامي بني ادم كويس ولا لاء فا ايه الحل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_42292 🇪🇬

منذ 6 أشهر

شعور عاطفي

لما حد يرفضك رفض نهائي اقطعه من جواك ، متماطلش و متقاوحش و متوجدلوش مبررات، خليك في الرفض قاطع و واضح ، متديلوش فرصة تانية ولا تالتة، ارفض اللي رفضك خصوصا لو مفيش بينكم ارتباط رسمي ..اقطع والذكريات ؟؟ و العمر اللي فات ؟؟ بعدين تبقي تسامح نفسك عليها ، بس اقطع في الاول من جواك افصله من حياتك و افكارك

Strawberry_39034 🇪🇬

منذ 6 أشهر

شعور مستنزف

تعبت من الناس اللي بيأثرو على نفستي دايما بالسلب، اللي هو مجرد تواجدهم حواليا بيخليني أسوأ ومش عارفة أعمل أي حاجة في حياتي عماتي وبنات عمى عمومًا كلهم كدا وبيحاولو دايما يقللوا مني وطول عمري بتعب عشان أبقا حاجة كويسة تجبر الكل يحترمني ووصلت لحلمي رغم دا هما برضو لسا مش سايبيني وبيحاولو دايما يقللوا

Marshmallow_40590 🇮🇶

منذ 6 أشهر

شعور مرتبك

من يوم ما كنت صغيرة وأنا بعامل الناس احسن شي كله يمشي بالاحترام والانبساط و بحاول أبعد عن المشاكل بس الاقي الي قدامي بيصنع المشاكل و بيأذيني مع اني ما بأذي احد أبسط مثال مع اخواتي فالبيت او اهلي بشكل عام ما كنت الاحظ هاذ الشي وأنا صغيرة بس لما كبرت و دخلت جامعة و بديت اشوف ناس مختلفة بدأت احس إن الن

Apple_34207 🇪🇬

منذ 6 أشهر

شعور منزعج

Orange_37796 🇪🇬 هو الموضوع عبارة عن Mind games مش فكرة هتقولهم بطلوا بطلوا، أنا كشخص من النوعية اللي أحيانا بنكت وانتقد البني ادمين ودي طبيعتي فالموضوع مش موضوع اسكتوا هيسكتوا، دول مش عيال أو تقولهم مخاصمكم يسكتوا، هي لعبة، تفهم عقلية ونفسية اللي قدامك وعندك حلين... يا تديله ضربة تحت الحزام بشكل ما (بالكلام يعني)، يا تديه رد دايركت، وده حسب شخصه هو مش شخصك انت.

عرض الكل 14 نصيحة

عبّر عن شعورك بشكل مجهول

أنا عندي مشكلة يا جماعة. أنا واحد محترم ما بحبش اتريق على حد بهزر وبتكلم ومتفاعل جدا مع الناس واجتماعي خالص. اما روحت الجامعة عرفت ناس كتير بشرعة في خلال اسبوع واحد بش عرفت أغلب الي موجودين معايا في الجروب. انا في طب وعندي احترام كبير لنفسي ومحبش الصورة الي موجودة عن نفسي دي تتهز خالص ولو بكلمة لان عندي تاريخ في حاجات كتير بعسدا عن الحاجات المدرسية. اصحابي زمان كان عارفين الحاجات دي وبيقدوني وبيحترموني لكن اما روحت الجامعة مش عارف انا عملت ايه غلط خليت الي عرفتهم يتريقوا عليا من غير سبب. يعني انا اتساهلت مع الموضوع ده في الاول اما كان فيه اسبالا انهم يتريقوا ويهزروا عليا في الاول على سبيل الهزار واني مبقاش شخص قفل لان عارف اني في الاول والمفروض مقفلش الدنيا اوي. الموضوع دلوقتي زاد عن حده وكل اما اقعد مع المجموعة دي (هي مجموعة كبيرة) بيبقوا ولخدني موضع سخرية واستهزاء وانا في حياتي كلها عمري ماحبيت ان حد يشوفني بالطريقة دي لان زي ما قولت عندي تاريخ كبير في حاجات كتير. اعمل ايه عشان اصحح الغلط الي انا عملته اذا انا غلط؟ او اذا مغلطش اعمل ايه عشان اوقفهم؟ من غير حل راديكالي يخليني اقطع العلاقة بيهم لان عددهم كبير وصعب اعمل كده في اول اسابيع الجامعة..الفكرة اني ما اتريقتش عليهم برده ولا بهزر عليهم خالص ومحترمهم جدا والحدود الي موجودة في الاول.. شكراً

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.